Sænska liðið AIK á enn góðan möguleika á að vinna deildina eftir að liðið vann 5-1 sigur á Falkenbergs. Henrik Goitom skoraði fjögur mörk fyrir AIK.
Fjögur efstu lið deildarinnar eru öll með 59 stig en Djurgården á þó leik inni og getur eignað sér toppsætið fyrir siðustu tvo leikina.
AIK gerði sitt í dag með því að skora fimm gegn Falkenberg en Kolbeinn Sigþórsson lagði upp annað markið á 33. mínútu. Hann fór af velli á 76. mínútu.
Á sama tíma vann Hammarby lið Malmö 2-0. Arnór Ingvi Traustason byrjaði leikinn hjá Malmö en var skipt af velli á 76. mínútu. Aron Jóhannsson kom þá inná sem varamaður á 71. mínútu í lið Hammarby.
Hammarby, Malmö, Djurgården og AIK eru öll með 59 stig og deila efsta sætinu en ljóst er að það verður mikil spenna að fylgjast með toppbaráttunni í ár.
Athugasemdir