Sara Björk Gunnarsdóttir, landsliðsfyrirliði íslands, er ólétt. Hún greinir frá þessu á samfélagsmiðlum.
Hún og Árni Vilhjálmsson, sóknarmaður Breiðablik, eiga von á sínu fyrsta barni saman.
Hún og Árni Vilhjálmsson, sóknarmaður Breiðablik, eiga von á sínu fyrsta barni saman.
„Jæja lítur út fyrir að við verðum þrjú í nóvember. Það sem við hlökkum til," skrifar Sara við mynd á samfélagsmiðlum.
Hin þrítuga Sara Björk er farsælasta fótboltakona sem Ísland hefur átt. Hún er uppalin í Haukum en spilaði einnig með Breiðablik hér á landi. Hún spilaði með Rosengård í Svíþjóð og Wolfsburg í Þýskalandi áður en hún gekk í raðir franska stórliðsins Lyon á síðasta ári.
Á sínu fyrsta tímabili með Lyon varð Sara Evrópumeistari þar sem hún skoraði í úrslitaleiknum gegn sínu fyrrum félagi, Wolfsburg.
Það er Evrópumót á næsta ári og er Ísland á meðal þáttökuþjóða. Sara er mikilvægasti leikmaður íslenska liðsins en mótið fer fram 6. til 31. júlí 2022.
Árni er 26 ára en hann gekk nýlega aftur í raðir Breiðablik eftir að hafa verið í atvinnumennsku í Noregi, Svíþjóð, Póllandi og Úkraínu í sex ár.
Fótbolti.net óskar þeim innilega til hamingju!
Well this year turned out to be á little bit different then we thought !
— Sara Björk (@sarabjork18) April 21, 2021
Turns out we are going to be three in November 😍👶🏻🙅🏻♀️🤰🏻
Jæja lítur út fyrir að við verðum 3 í Nóvember 😍
Það sem við hlökkum til 😍🥰👶🏻 pic.twitter.com/KjJXcWwFTQ
Athugasemdir