Ítalska félagið Napoli er í bílstjórasætinu um brasilíska varnarmanninn Gabriel Mahalhaes en hann er á mála hjá franska félaginu Lille. Þetta kemur fram í France Football.
Gabriel, sem er 22 ára gamall miðvörður, hefur spilað með Lille í Frakklandi en hann spilaði 34 leiki og skoraði 1 mark á tímabilinu.
Everton og Napoli hafa verið að berjast um Gabriel en leikmaðurinn vill frekar fara til Napoli eftir að Gennaro Ivan Gattuso, þjálfari liðsins, hringdi í hann og sannfærði hann um að koma.
Kalidou Koulibaly verður að öllum líkindum seldur í sumar og er Gabriel ætlað að leysa hlutverk hans.
Gabriel er samningsbundinn Lille til 2023 en talið er að Lille sé tilbúið að selja hann fyrir 30 milljónir evra.
Athugasemdir
