Franska félagið Paris Saint-Germain hefur staðfest þær fregnir að Kylian Mbappe verði áfram hjá félaginu. Hann hafnaði Real Madrid og fær í staðinn meiri völd innan franska félagsins.
Samningur Mbappe átti að renna út í lok júní en hann hefur verið að skoða tilboð frá bæði PSG og Real Madrid.
Allan tímann hefur það litið út fyrir að hann myndi fara til Spánar, eða svona alveg fram að föstudegi er PSG bauð honum ótrúlegustu hlutu til að halda honum.
Franska félagið lagði allt í að halda honum. Það hefur verið rætt að hann fái 300 milljónir evra í undskriftabónus ofan á þær 100 milljónir evra sem hann mun þéna árlega.
Samningur hans við PSG verður til þriggja ára en hann mun þar að auki fá að ráða hver tekur við sem yfirmaður knattspyrnumála og mun einnig eiga þátt í að velja næsta þjálfara og koma að leikmannakaupum.
PSG staðfesti tíðindin fyrir lokaleik liðsins í frönsku deildinni í kvöld og er nú loksins orðið ljóst hvað Mbappe gerir. Hann verður áfram í Frakklandi og þessi saga á enda.
𝐎𝐮𝐫 𝐡𝐢𝐬𝐭𝐨𝐫𝐲 𝐢𝐬 𝐰𝐫𝐢𝐭𝐭𝐞𝐧 𝐡𝐞𝐫𝐞
— Paris Saint-Germain (@PSG_English) May 21, 2022
𝐈𝐜𝐢 𝐜’𝐞𝐬𝐭 𝐏𝐚𝐫𝐢𝐬
🔴🔵 #KylianCestParis pic.twitter.com/e3ZSY1E3FZ
Athugasemdir