Miklum baráttuleik Fjölnis og Grindavíkur í Inkasso-deild kvenna lauk með markalausu jafntefli á Extra-vellinum í Grafarvogi í kvöld.
Lestu um leikinn: Fjölnir 0 - 0 Grindavík
Páll þjálfari Fjölnis var ekkert sérstaklega sáttur og hefði viljað vinna leikinn.
"Þetta var hörkuleikur. Við fengum færi og þær fengu færi. Leiðinlegt að ná ekki að klára leikinn. Mér fannst við vera miklu betri í fyrri hálfleik og svo var þetta 50/50 í seinni hálfleik"
Páll virtist gríðarlega ánægður með að halda hreinu en það hefur verið vandamál í sumar
"Fyrir utan Tindastóls leikinn, þá höfum við verið fínar varnarlega. Bara klaufar að fá okkur þessi mörk. Alltaf hægt að byggja upp á að halda hreinu, nú þurfum við bara að fara að skora mörk!"
Fjölnir spilar næst við ÍR og segir Páll að mikilvægt sé að byggja á þessum leik
"Höldum áfram að vinna í því sem við höfum verið að gera, halda hreinu og allavega skora eitt mark og þá vonandi kemur fyrsti sigur sumarsins á miðvikudag".
Aðspurður út í spilamennsku síns liðs það sem af er sumri segist hann nokkuð sáttur fyrir utan Tindastóls leikinn sem hafi verið algjör hörmung.
"Hinir leikirnir hafa verið fínir en það vantar herslumuninn hjá okkur"
Athugasemdir
