AFC Wimbledon í ensku C-deildinni hefur rekið knattspyrnustjórann Wally Downes úr starfi.

Hinn 58 ára gamli Wally var í síðustu viku dæmdur í fjögurra vikna bann eftir brot á veðmálareglum enska knattspyrnusambandsins.

Samkvæmt reglum enska sambandsins mega fótboltamenn og stjórar ekki veðja á neina leiki.

Downes veðjaði á átta leiki á árunum 2013 til 2019 og var í kjölfarið dæmdur í bann.

Enska sambandið ákærði Downes í síðasta mánuði og Wimbledon setti hann þá í tímabundið leyfi. Hann hefur nú verið rekinn frá störfum.

Tweet

Senda a Facebook Hafdu samband Senda frétt Prenta frétt Frétta leit