Carlo Ancelotti, stjóri Everton, rifjaði upp ótrúlegan leik AC MIlan og Liverpool í úrslitum Meistaradeildarinnar 2005 þegar hann ræddi við leikmenn sína eftir 2-2 jafntefli Everton og Newcastle í gær.
Everton var 2-0 yfir gegn Newcastle í gær en gestirnir jöfnuðu með tveimur mörkum á síðustu tveimur mínútunum í viðbótartíma.
Ancelotti ræddi við leikmenn sína eftir leik og minnti þá á það þegar hann tapaði úrslitum Meistaradeildarinnar gegn Liverpool árið 2005 eftir að hafa verið 3-0 yfir í hálfleik.
Everton var 2-0 yfir gegn Newcastle í gær en gestirnir jöfnuðu með tveimur mörkum á síðustu tveimur mínútunum í viðbótartíma.
Ancelotti ræddi við leikmenn sína eftir leik og minnti þá á það þegar hann tapaði úrslitum Meistaradeildarinnar gegn Liverpool árið 2005 eftir að hafa verið 3-0 yfir í hálfleik.
„Það eru til ófyrirsjáanlegir hlutir í fótbolta. Fram að fyrsta markinu gat enginn hugsað til þess að þeir myndu jafna. Við spiluðum vel en við þurfum að taka þessum úrslitum því að stundum gerast hlutir í fótbolta sem þú getur ekki stjórnað," sagði Ancelotti.
„Auðvitað eru leikmennirnir mjög leiðir í augnablikinu en ég sagði þeim að ég hafi meiri reynslu en þetta og minnti þá áð ég tapaði úrslitum Meistaradeildarinnar eftir að hafa verið 3-0 yfir. Þetta getur gerst."
Athugasemdir