Elvar Geir Magnússon skrifar frá Slóveníu
Eiður Smári Guðjohnsen átti frábæra innkomu af bekknum og lagði upp sigurmarkið gegn Slóveníu.
„Ég held að það hafi gefið auga leið að við vorum ekki sáttir við fyrri hálfleik. Það var ekki mikil hreyfing og það var eins og við værum að bíða eftir því að eitthvað gerðist í leiknum," sagði Eiður eftir leik.
„Fram að fyrra marki Gylfa vorum við lítið að ógna en allt í einu kom trúin."
„Við eigum nánast heila kynslóð af hágæðaknattspyrnumönnum og nokkra inn á milli sem geta gert gæfumuninn. Ég vil ekki segja að þetta sé besta lið sem Ísland hefur átt en það getur klárlega orðið það."
Viðtalið má sjá í heild sinni í sjónvarpinu hér að ofan.
Athugasemdir
