Hrafnkell Helgi Helgason, formaður meistaraflokksráðs karla hjá Fylki, segist hafa heyrt að 250 milljónir króna af þessum 230 milljörðum fari í íþróttahreyfinguna. Þórir Hákonarson, íþróttastjóri Þróttar R. og fyrrum framkvæmdastjóri KSÍ, segir að heildarupphæðin fyrir menningu og íþróttir sé 750 milljónir króna.

Á samfélagsmiðilinn Twitter skrifar Hrafnkell: „Heyrði tölurnar 250
milljónir króna í aðgerðapakkanum sem fer í íþróttahreyfinguna sem skiptast síðan á milli 30 sérsambanda."

„Þakklátur tillögum ríkisstjórnar til að létta öllum lífið, en mig grunar að þetta sé dropi í hafið fyrir mörg íþróttafélög í landinu."

Þórir svarar tísti Hrafnkels og skrifar: „Heildarupphæðin er auðvitað bara dropi í hafi, en sé þetta raunin þá hefur þessi aðgerð nánast ekkert að segja fyrir stærstu hreyfinguna, knattspyrnuna, sem tapar mestu vegna þessa ástands á mótahaldi, viðburðum og stuðningi fyrirtækja."

Útvarpsþátturinn Fótbolti.net þessa vikuna ræddi um áhrif heimsfaraldursins á íslenska boltann.

Elvar Geir og Tómas Þór fengu til sín góða gesti, en þáttinn í heild sinni má hlusta á hér að neðan.

Sjá einnig:
Íslandsmótinu frestað þar til um miðjan maí (Staðfest)