Íslenska drengjalandslið skipað leikmönnum 19 ára og yngri á ekki lengur möguleika á að komast í lokakeppni Evrópumótsins eftir að hafa tapað fyrir Austurríki, 3-1, í milliriðli undankeppninnar í Balmazujvaros í Ungverjalandi í dag.
Austurríki komst í tveggja marka forystu á rúmum fimmtán mínútum en Daði Berg Jónsson minnkaði muninn eftir stoðsendingu Daníels Inga Jóhannessonar undir lok hálfleiksins.
Aðeins rúmri mínútu síðar svaraði Fabian Feiner fyrir Austurríki og staðan í hálfleik 3-1.
Hálftíma fyrir leikslok gat Ísland komið sér aftur inn í leikinn er það fékk vítaspyrnu en Daníel Ingi klikkað af punktinum.
Annað tap Íslands staðreynd og liðið án stiga á botninum fyrir lokaumferðina.
Ísland mætir Ungverjalandi í lokaleik riðilsins á þriðjudag.
Athugasemdir
