22.05.24 - 12:23
Guðmundur Aðalsteinn Ásgeirsson
Andri Lucas á leið til Gent og verður dýrastur í sögu Lyngby
Andri Lucas Guðjohnsen.
Mynd: Jónína Guðbjörg Guðbjartsdóttir
Andri Lucas Guðjohnsen.
Mynd: Jónína Guðbjörg Guðbjartsdóttir
Lyngby hefur samþykkt tilboð frá belgíska félaginu Gent í Andra Lucas Guðjohnsen. Þetta kemur fram á Bold í Danmörku og þar segir jafnframt að um metupphæð sé að ræða fyrir Lyngby.
TENGT EFNI
Fær frítt fjölskyldufrí ef Andri Lucas verður dýrastur í sögu félagsins
Kaupverðið er um 3 milljónir evra en Andri verður þá dýrastur í sögu Lyngby. Fram kemur í dönskum fjölmiðlum að sala Lyngby á Maurits Kjærgaard til Salzburg 2019 sé sú stærsta í sögu félagsins til þessa en hann kostaði 2,7 milljónir evra.
Andri, sem er 22 ára landsliðsmaður, hóf tímabilið á láni hjá Lyngby frá Norrköping en fyrr á þessu ári kláraði danska félagið kaup á framherjanum.
Andri Lucas er næst markahæsti leikmaður dönsku Superliga með 13 mörk skoruð á tímabilinu.
Ef Andri fer til Gent, þá mun hann fylgja í fótspor bæði föður síns og afa síns. Eiður Smári Guðjohnsen og Arnór Guðjohnsen spiluðu báðir í Belgíu.
Andri Lucas er í landsliðshópi Íslands sem mætir Englandi og Hollandi í vináttulandsleikjum í næsta mánuði.
Andri, sem er 22 ára landsliðsmaður, hóf tímabilið á láni hjá Lyngby frá Norrköping en fyrr á þessu ári kláraði danska félagið kaup á framherjanum.
Andri Lucas er næst markahæsti leikmaður dönsku Superliga með 13 mörk skoruð á tímabilinu.
Ef Andri fer til Gent, þá mun hann fylgja í fótspor bæði föður síns og afa síns. Eiður Smári Guðjohnsen og Arnór Guðjohnsen spiluðu báðir í Belgíu.
Andri Lucas er í landsliðshópi Íslands sem mætir Englandi og Hollandi í vináttulandsleikjum í næsta mánuði.
