Enska blaðið Daily Mail segir að Gylfa Sigurðssyni hafi verið komið fyrir í sérstakt skjólshús á vegum Everton þar sem hann fái stuðning allan sólarhringinn.
Everton tilkynnti á mánudag að leikmaður félagsins hefði verið handtekinn en greint hefur verið frá því að umræddur leikmaður sé Gylfi Þór Sigurðsson.
Leikmaðurinn var handtekinn á föstudag, grunaður um kynferðisbrot gegn ólögráða einstaklingi.
Gylfi hefur ekki verið nafngreindur í breskum fjölmiðlum af lagalegum ástæðum en fjölmiðlar í öðrum löndum hafa nafngreint hann. Hann er því ekki nefndur á nafn í frétt Daily Mail.
Sagt er að það sé gæsla við umrætt skjólshús (enska: safe house) en að eiginkona hans sé komin til Íslands í faðm fjölskyldu sinnar. Ekki er búið að gefa út ákæru á hendur honum en málið er í ferli hjá lögreglu.
Athugasemdir