Varnarmennirnir Kieran Tierney og Takehiro Tomiyasu fara ekki með Arsenal í æfingaferð til Bandaríkjanna en báðir eru að glíma við meiðsli.
Tierney kom aftur til Arsenal í sumar eftir að hafa eytt síðasta tímabili á láni hjá Real Sociedad á Spáni.
Hann hefur verið að glíma við meiðsli aftan í læri og verður því áfram í Lundúnum. Framtíð hans er þó líklega ekki hjá Arsenal en hann virðist ekki vera í plönum Arteta fyrir tímabilið.
Tomiyasu er á meðan að glíma við meiðsli á hné. Báðir missa af mikilvægri æfingaferð Arsenal til Bandaríkjanna.
Japanski landsliðsmaðurinn spilaði 22 leiki með Arsenal í ensku úrvalsdeildinni á síðustu leiktíð. Hann er fjölhæfur leikmaður sem Mikel Arteta væri vel til í að hafa kláran fyrir komandi tímabil.
Hann verður líklegra frá í 2-3 vikur, á mikilvægasta kafla undirbúningstímabilsins.
Athugasemdir