Það var leikið í forkeppni Evrópudeildarinnar í kvöld. Liðin eru á síðustu hindrun fyrir riðlakeppnina.
Sjá einnig:
Evrópudeildin: Rúnar skoraði og fagnaði sigri í Íslendingaslag
Evrópudeildin: Arnór Ingvi nálægt riðlakeppninni
Sjá einnig:
Evrópudeildin: Rúnar skoraði og fagnaði sigri í Íslendingaslag
Evrópudeildin: Arnór Ingvi nálægt riðlakeppninni
Kolbeinn Sigþórsson og félagar hans í AIK hafa verk að vinna á heimavelli sínum í næstu viku eftir tap gegn Celtic á útivelli í kvöld. Skosku meistararnir skoruðu tvisvar í seinni hálfleiknum og unnu leikinn 2-0.
Kolbeinn var í byrjunarliði AIK og lék hann rúmlega 70 mínútur í leiknum í kvöld.
We take two goals to Sweden!
— Celtic Football Club (@CelticFC) August 22, 2019
Let's finish the job next week, Bhoys 👊🍀#CELAIK #UEL pic.twitter.com/ND6vBa59pQ
Albert Guðmundsson lék hálftíma þegar AZ Alkmaar gerði jafntefli á heimavelli gegn Antwerp. Leikurinn endaði 1-1 og fer Antwerp því með útivallarmark til Belgíu. Antwerp komst yfir í leiknum í fyrri hálfleik, en Myron Boadu jafnaði fyrir AZ á 82. mínútu.
Þá var Sverrir Ingi Ingason ónotaður varamaður hjá gríska liðinu PAOK í 1-0 tapi gegn Slovan Bratislava á útivelli.
Úlfarnir á fínum málum
Að öðrum athyglisverðum úrslit í kvöld þá gerðu Ludogorets og Maribor markalaust jafntefli á heimavelli Ludogorets. Maribor sló Val úr forkeppni Meistaradeildarinnar og Ludogorets sló Val úr leik í forkeppni Evrópudeildarinnar.
Lærisveinar Steven Gerrard í Rangers gerðu markalaust jafntefli á útivelli gegn Legia Varsjá. Fer Gerrard annað árið í röð með Rangers í riðlakeppni Evrópudeildarinnar?
Fínar líkur eru á því að Úlfarnir spili í riðlakeppni Evrópudeildarinnar eftir 3-2 útisigur á Torino, sem er í ítölsku úrvalsdeildinni. Gríðarlega sterk úrslit hjá Úlfunum. Diogo Jota og Raul Jimenez voru báðir á skotskónum.
Espanyol, sem sló út Stjörnuna í þessari keppni, vann 3-1 sigur á Zorya frá Úkraínu á heimavelli sínum í Barcelona og Linfield frá Norður-Írlandi vann 3-2 sigur á Qarabag, fyrrum félagi Hannesar Þórs Halldórssonar, landsliðsmarkvarðar.
Öll úrslit kvöldsins í Evrópudeildinni má sjá hérna. Seinni leikirnir eru í næstu viku.
FT | #TOR 2-3 #WOL
— Wolves (@Wolves) August 22, 2019
And that's full time! Wolves with a fantastic performance on the road take a one-goal advantage to Molineux in the second leg of the play-off round next week! #TORWOL
⏱🐺 pic.twitter.com/TeECdaqyGu
Athugasemdir