Búist er við spennandi viðureign þar sem bæði lið eru á svipuðu reiki um miðja úrvalsdeild. Arsenal er í tólfta sæti með stigi meira en Villa sem er í sætinu fyrir neðan.

Arsenal spilaði mjög illa á heimavelli gegn Crystal Palace síðasta mánudag, en liðið náði að bjarga stigi á síðustu stundu.

Alexandre Lacazette skoraði jöfnunarmarkið gegn Palace. Hann kemur inn í byrjunarliðið hjá Arsenal í kvöld. Lacazette kemur inn fyrir Nicolas Pepe, Nuno Tavares kemur inn fyrir meiddan Kieran Tierney og Albert Sambi Lokonga byrjar á kostnað Martin Ödegaard.

Bukayo Saka fór meiddur af velli gegn Palace en hann er klár í slaginn í kvöld.

Dean Smith, stjóri Aston Villa, breytir ekki liði sínu frá tapinu gegn Úlfunum um síðustu helgi - sama lið og þá.

Byrjunarlið Arsenal: Ramsdale, Tomiyasu, Gabriel, White, Tavares, Lokonga, Partey, Saka, Smith Rowe, Aubameyang, Lacazette.
(Varamenn: Leno, Cedric, Holding, Kolasinac, Maitland-Niles, Elneny, Odegaard, Pepe, Martinelli)

Byrjunarlið Aston Villa: Martinez, Tuanzebe, Konsa, Mings, Cash, Luiz, McGinn, Targett, Buendia, Ings, Watkins.
(Varamenn: Steer, Hause, Young, Nakamba, Ramsey, Sanson, Bailey, El Ghazi, Archer)