Everton vann langþráðan sigur í dag þegar liðið vann á Craven Cottage. Dominic Calvert-Lewin skoraði tvö mörk þegar fyrstu sigurinn síðan í fjórðu umferð vannst.

Everton leiddi með tveimur mörkum, 1-3, í hálfleik. Calvert-Lewin skoraði í tvígang í fyrri hálfleiknum og er kominn með tíu mörk í níu fyrstu deildarleikjunum.

Ivan Cavaleiro gat minnkað muninn á 68. mínútu en rann á vítapunktinum og skaut í stoðfótinn á sér og boltinn fór ekki á markið, leikbrot dæmt fyrir ólöglega vítaspyrnu. Vítaklikkið var það þriðja í röð hjá Fulham.

Varamaðurinn Ruben Loftus-Cheek minnkaði muninn fyrir Fulham tveimur mínútum seinna en hann hafði áður fiskað vítið. Lengra komust heimamenn ekki og Everton tekur öll þrjú stigin. Gylfi Þór Sigurðsson kom inn á af varamannabekk Everton á 76. mínútu leiksins.

Everton er með þrettán stig og Fulham fjögur.