Frammistaða United á þessari leiktíð hefur verið döpur og lítið um karakter í spilamennsku liðsins en síðasta stráið var tapið gegn Watford á laugardag.

Á þremur árum hans við stjórnvölin tókst honum ekki að vinna titil en hann komst næst því í Evrópudeildinni á síðasta tímabili. Liðið beið hins vegar lægri hlut fyrir spænska liðinu Villarreal í úrslitum.

Man Utd þarf að borga Solskjær ákveðna upphæð fyrir brottreksturinn og það er dágóð summa í ljósi þess að hann skrifaði undir nýjan þriggja ára samning síðasta sumar.

Samkvæmt The Sun þá mun Solskjær fá 7,5 milljónir punda frá United og getur hann því farið í gott frí - kjósi hann að gera svo.