Breiðablik vann sinn fyrsta leik í Sambandsdeildinni í kvöld þegar þeir unnu írska liðið Shamrock Rovers 3-1 á Laugardalsvelli.
Aðspurður um fyrstu viðbrögð eftir sigurleikinn svaraði Viktor Örn Margeirsson einn af markaskorurum kvöldsins,
„Bara góð, góð þrjú stig. Skemmtilegt að taka sigur og bara ánægður."
Lestu um leikinn: Breiðablik 3 - 1 Shamrock Rovers
"Ég myndi segja að hún væri solid, góð varnarlega. Við unnum sem lið, hún var kraftmikil. Ef maður horfir á þetta aftur þá er maður eflaust að sjá eitthvað að maður hefði getað nýtt betri tækifæri með boltann. Það eru eflaust fleiri pláss sem við gátum nýtt okkur en þeir gera okkur erfitt fyrir þannig að við kannski héldum ekki alveg nóg í boltann að því leytinu en við vorum samt beittir þegar reyndi á og gerðum vel þá. Solid varnalega en eigum inni."
„Þekkjum þá ágætlega, höfum spilað við þá tvisvar og kannski keimlíkt lið. En þú veist, kannski eins og þjálfarinn hafði orð á því fyrir leik að þeir væru miklu betri en áður og er það eflaust þannig en þeir eru bara með mjög öflugt lið og góðir leikmenn þarna."
„Ég held maður sé orðinn ágætlega sjóaður í því að láta veðrið og kannski hluti sem maður stjórnar ekki neitt hafa minni áhrif, þannig að gíra sig í þetta er bara fínt. Það er ekkert val um annað en það gerir fótboltann aðeins erfiðari. Ef maður ætlar að spila þann fótbolta sem við viljum spila þá er þetta kannski aðeins meira trickí. Það var þarna vindur oft bara í allar áttir sem að gerði okkur á köflum erfitt fyrir en engu að síður fengu bæði liðin þetta veður og við þurftum að gera eins vel úr því og við gátum."
Breiðablik lenti undir í leiknum var aldrei vafi á því að jafna og vinna þennan leik?
„Nei að sjálfsögðu ekki, við lendum undir. Það er mark sem þeir skora og það breytir kannski dýnamíkinni aðeins en við náttúrlega vorum staðráðnir í að vinna þennan leik. Markið kom snemma hjá þeim þannig að við vorum ekkert að fara að láta það brjóta okkur eitthvað."
„Við getum ekki breytt okkur of mikið þó við fáum högg í andlitið, Við erum allir orðnir sjóaðir í því að standa upp við mótlæti."
Næsti leikur Breiðabliks verður gegn liði Strasbourg þann 18. desember nk. í Frakklandi
„Við þurfum bara að fara og leggja okkur alla fram, sækja djúpt í gildin okkar og sjá hvað gerist."
Viðtalið í heild má sjá í spilaranum hér að ofan
