FIFA hefur staðfest að þátttökuréttur mexíkóska félagsins Club León á HM félagsliða hefur verið dreginn til baka.
Club León var upprunalega sett í riðil með Chelsea, Flamengo og Espérance en vandamálið er að félagið er í eigu Grupo Pachuca, sem á einnig Pachuca sem tekur líka þátt á HM.
Það fer gegn reglum FIFA að sömu eigendur eigi tvö eða fleiri félagslið í sömu keppni.
Pachuca er áfram í keppninni og spilar í gríðarlega sterkum riðli ásamt Real Madrid, Al-Hilal og Salzburg.
LD Alajuelense frá Kosta Ríka tekur sæti Club León í keppninni.
Þetta er sérstaklega sárt fyrir kólumbísku stórstjörnuna James Rodríguez, 33 ára leikmann Club León, sem þráði að taka þátt í þessu móti.
Athugasemdir
