Spjaldið á Vinicius Junior dregið til baka
Mynd: EPA
Mynd: EPA
Vinicius Junior fékk að líta rauða spjaldið fyrir að slá til leikmanns Valencia í leik liðanna á sunnudaginn en spjaldið hefur verið dregið til baka og hann mun geta tekið þátt í næsta leik Real Madrid.
Þá verður hluti af stúkunni á Mestalla vellinum heimavelli Valencia lokuð í næstu fimm leikjum liðsins. Það kemur til þar sem stuðningsmenn liðsins gerðust sekir um rasisma í garð Vinicius fyrr í leiknum.
Hann reyndi að koma skilaboðum til dómarans um að stuðningsmennirnir væru að beita hann ofbeldi en dómarinn gerði ekkert í því.
Dómararnir í VAR herberginu voru reknir úr starfi eftir að í ljós kom að þeir sýndu dómaranum ekki myndir af því þegar leikmaður Valencia tók Vinicius hálstaki áður en Vinicius sló til hans.
Real Madrid mætir Rayo Vallecano á morgun.
The Competition Committee has decided to not sanction Vinicius for the red card he picked up vs. Valencia on Sunday.
— ESPN FC (@ESPNFC) May 23, 2023
He is eligible to play Real Madrid's next match. pic.twitter.com/p2fuhKR6HA
