„Blikar stýrðu leiknum í fyrri hálfleik. Við vorum ósáttir við okkur í hálfleik. Það er alltaf pirrandi að vinna ekki leiki sem þú kemst yfir í og við fengum svo auðvitað frábært færi í lokin að vinna leikinn. Heilt yfir er ég gífurlega ánægður með liðið.“ sagði Jón Þór Hauksson, þjálfari ÍA, eftir 1-1 jafntefli gegn Breiðablik á Kópavogsvelli í kvöld.
Lestu um leikinn: Breiðablik 1 - 1 ÍA
„Þetta var klárlega hendi á Marko. Ég sá reyndar ekki nægilega vel hvort þetta hafi átt að vera vítaspyrna en þetta fór klárlega í höndina á honum, það er ekki nokkur spurning. Svo er bara spurning hvað hann gat gert í þessari stöðu. Ég sá það mjög greinilega að þetta hafi farið í höndina á honum.“
„Þetta var dauðafæri. Anton gerði frábærlega í því að verja það. Við sáum sambærilega stöðu í Úlfarsárdalnum gegn Fram á lokamínútum leiksins. Þannig það er bara svekkjandi. Fyrst og fremst gerði Anton vel í að verja þetta.“
„Arnór var frábær gegn KR. Við erum aðeins að stýra mínútunum hans og álaginu. Það eru margir leikir núna, 3 leikir á 10 dögum. Hann kom frábærlega inn í þann leik.“ sagði Jón Þór að lokum.
Viðtalið við Jón Þór í heild sinni má finna í spilaranum hér að ofan.