Áslaug Munda í leik með Blikum í sumar.
Áslaug Munda Gunnlaugsdóttir, leikmaður Breiðabliks, mun ekki spila meira í sumar.
Kemur þetta fram á Morgunblaðinu.
Kemur þetta fram á Morgunblaðinu.
Áslaug Munda hefur átt í basli með meiðsli síðastliðin ár. Hún fékk slæmt höfuðhögg og hefur verið í vandræðum með eftirköstin af því.
Hún náði að spila sex leiki í sumar en hún tognaði aftan í læri í upphitun fyrir leik Breiðabliks gegn Val í maí. Hún hefur í kjölfarið af því átt erfitt með að koma sér aftur út á völlinn, þar á meðal vegna veikinda og blóðsýkingu.
Hún tognaði aftur aftan í læri fyrir þremur vikum og nú er það ljóst að hún spilar ekki meira með Blikum í sumar.
Áslaug Munda heldur út til Harvard í ágúst en hún er á leið á sitt þriðja ár í háskólaboltanum í Bandaríkjunum.
Breiðablik er sem stendur á toppi Bestu deildarinnar með jafnmörg stig og Valur.
Athugasemdir
