Halldór Árnason aðstoðarþjálfari Gróttu var að vonum ánægður með 3-1 sigur á Fram fyrr í kvöld. Grótta fer upp í annað sæti við sigurinn og er aðeins einu stigi á eftir toppliði Fjölnis þegar fjórar umferðir eru eftir.

Þór er einnig í toppbaráttunni og á innbyrðisleik við Fjölni, á meðan Grótta á eftir að spila við fjögur neðstu lið deildarinnar.

„Ég vil byrja á að segja að þetta Fram lið er geggjað. Þeir spila free-flowing fótbolta með fáum snertingum og mikil stöðuskipti. Það er ógeðslega erfitt að spila við þá og við erum hrikalega ánægðir að ná að klára þá í dag," sagði Dóri að leikslokum.

„Við eigum snúið prógram eftir, liðin fjögur sem eru að berjast í neðri hlutanum um að halda lífi sínu í deildinni.

„Það er ekki auðvelt að fara í slíka leiki þar sem menn hafa eitthvað að spila upp á og mæta algjörlega brjálaðir."

Grótta heimsækir Magna á Grenivík í næstu umferð en fyrri leik liðanna lauk með 4-1 sigri á Seltjarnarnesi. Þar á eftir er heimaleikur við Aftureldingu, útileikur gegn Njarðvík og svo er heimsókn frá Haukum í lokaumferðinni.

Grótta vann fyrri leikina gegn Aftureldingu og Njarðvík en gerði jafntefli á Ásvöllum. Þar enduðu leikar 2-2 eftir jöfnunarmark heimamanna á 88. mínútu.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit