24.07.22 - 19:33
Brynjar Ingi Erluson
Chelsea að missa af enn einum leikmanninum - Kounde fer til Barcelona
Jules Kounde er á förum til Barcelona
Mynd: Getty Images
Jules Kounde er á förum til Barcelona
Mynd: Getty Images
Franski varnarmaðurinn Jules Kounde mun ganga í raðir Barcelona á Spáni en þetta fullyrðir spænski blaðamaðurinn Gerard Romero á Twitch-rás sinni í dag. Hann gerir ráð fyrir að leikmaðurinn verði kynntur í dag eða á morgun.
Chelsea hefur sýnt honum hvað mestan áhuga síðasta árið eða svo en félagið reyndi að fá hann frá Sevilla á síðasta ári. Félögin náðu aldrei samkomulagi um kaupverð og ákvað spænska félagið að halda honum í ár til viðbótar.
Kounde, sem er 23 ára gamall, átti gott tímabil með Sevilla og hefur þá verið fastamaður í hóp franska landsliðsins. Fyrr í sumar bættist Barcelona í hóp þeirra liða sem vildu fá Kounde.
Miðlum á Englandi og Spáni kemur ekki saman um hvar Kounde mun spila á næsta tímabili en sumir halda því fram að Kounde hafi valið Chelsea á meðan einn virtasti blaðamaðurinn sem kemur að málum Barcelona segir að allt sé frágengið.
Romero sagði í beinni útsendingu á Twitch að Barcelona sé búið að ná samkomulagi við Sevilla um kaupverð og allt sé klappað og klárt. Hann býst við að Barcelona tilkynni um kaupin á næsta sólarhringnum.
Þetta er þriðji varnarmaðurinn sem Chelsea missir af í þessum glugga á eftir Matthijs de Ligt sem fór til Bayern München og Nathan Aké, sem verður líklega áfram hjá Manchester City.
Kounde, sem er 23 ára gamall, átti gott tímabil með Sevilla og hefur þá verið fastamaður í hóp franska landsliðsins. Fyrr í sumar bættist Barcelona í hóp þeirra liða sem vildu fá Kounde.
Miðlum á Englandi og Spáni kemur ekki saman um hvar Kounde mun spila á næsta tímabili en sumir halda því fram að Kounde hafi valið Chelsea á meðan einn virtasti blaðamaðurinn sem kemur að málum Barcelona segir að allt sé frágengið.
Romero sagði í beinni útsendingu á Twitch að Barcelona sé búið að ná samkomulagi við Sevilla um kaupverð og allt sé klappað og klárt. Hann býst við að Barcelona tilkynni um kaupin á næsta sólarhringnum.
Þetta er þriðji varnarmaðurinn sem Chelsea missir af í þessum glugga á eftir Matthijs de Ligt sem fór til Bayern München og Nathan Aké, sem verður líklega áfram hjá Manchester City.
