Enski miðjumaðurinn Tyler Morton er á förum frá Liverpool í þessum glugga en hann mun að öllum líkindum ganga í raðir Blackburn Rovers í B-deildinni.
Morton er 19 ára gamall og fékk sín fyrstu tækifæri með aðalliði Liverpool á síðustu leiktíð.
Hann spilaði þá tvo leiki í úrvalsdeildinni og kom við sögu í sjö bikarleikjum.
„Hann er með þvílíkan fótboltaheila. Ef hann fer aðeins meira í ræktina og styrkir líkamann þá verður hann rosalegur fótboltamaður," sagði Klopp um Morton á síðasta tímabili.
Liverpool er nú að leitast eftir því að lána Morton út fyrir komandi leiktíð en Blackburn Rovers er talinn líklegasti áfangastaðurinn.
Blackburn hafnaði í 8. sæti ensku B-deildarinnar á síðustu leiktíð.
Athugasemdir