Markavélin Seeler lést 85 ára

Seeler skoraði 507 mörk fyrir Hamburger SV og er áttundi markahæsti leikmaður heims þegar aðeins er skoðað mörkin sem skoruð eru fyrir sama félag. Lionel Messi leiðir þann lista með rúmlega 650 mörk fyrir Barcelona.

Seeler hreppti bæði silfur- og bronsverðlaun á HM, hann endaði í öðru sæti með Vestur-Þýskalandi á Englandi 1966 og þriðja sæti í Mexíkó 1970.

Seeler endaði þá í þriðja sæti í kjöri um Gullknöttinn 1960 eftir Luis Suarez (Barcelona) og Ferenc Puskas (Real Madrid) og var kjörinn knattspyrnumaður ársins í Þýskalandi þrisvar sinnum, 1960, 1964 og 1970.