„Já, heldur betur. Þetta er bara geggjað." sagði Árni Snær Ólafsson markvörður Skagamanna eftir 1-3 sigur á Fjölnismönnum á Extravellinum í Grafarvogi.

Lestu um leikinn: Fjölnir 1 -  3 ÍA

„Við lögðum upp með að spila okkar leik, búa til svæði og vera þéttir. Pressa þá bara undir köflum en það tókst bara voða lítið hjá okkur. Spilið var lélegt hjá okkur, náðum ekki að pressa þá, hverjum sem það er að kenna en við unnum og það er það sem skiptir máli, ekki fallegt en við unnum."

Skagamenn byrjuðu leikinn vel fyrstu tuttugu þar sem ÍA þjörmuðu vel á Fjölnismenn en síðan taka þeir yfir leikinn á ákveðnum kafla í leiknum og fá nokkur dauðafæri. Árni var spurður hvort það væri áhyggjuefni hjá liðinu.

„Já, við hefðum átt að vera komnir í tvö eða þrjú núll fyrstu tuttugu en síðan veit ég ekki hvað gerist, annað hvort þeir góðir eða við lélegir, ég veit ekki alveg. Við vorum bara ekki góðir ég veit ekki hverjum það er að kenna. Þeir áttu að skora fleiri mörk og ég held að þeir séu helvíti svektir."

Skagamenn eru búnir að halda hreinu í tveimur leikjum í deildinni og eru búnir að fá á sig 37.mörk í deildinni jafnmörg og Fjölnismenn sem sitja á botni deildarinnar. Árni var spurður hvar vandamálin liggja í leik ÍA en þeir skora nóg af mörkum.

„Ég bara veit ekki, erum ekki nógu þéttir bara sem lið. Eins og núna í dag þá áttum við að halda hreinu. Við erum búnir að halda tvisvar og við þurfum allir að vera þéttir og hætta að gefa mörk, ég held að það sé stóri punkturinn."

Viðtalið í heild sinni má sjá í spilaranum hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit