Karólína Lea Vilhjálmsdóttir byrjaði sinn fyrsta A-landsleik þegar Ísland vann Lettland í síðustu viku og svo aftur þegar liðið gerði jafntefli við Svíþjóð í stórleik í undankeppni EM á þriðjudaginn.
Hin efnilega Karólína Lea er aðeins 19 ára gömul og hefur sinnt lykilhlutverki í liði Breiðabliks undanfarin misseri.
Fyrir ári síðan sat Karólína Lea á skólabekk í Flensborg og setti sér langtímamarkmið í áfanga í íþróttasálfræði.
Vilhjálmur Kári Haraldsson, faðir Karólínu og þjálfari Augnabliks, birti markmiðið sem dóttir hans setti sér fyrir ári síðan á Twitter.
„Ég ætla að spila A-landsleik í byrjunarliði eftir 1 ár." skrifaði Karólína fyrir ári síðan.
„Ég stefni á að spila byrjunarliðsleik í A-landsliðinu í október 2020."
Karólína hefur 48 leiki fyrir yngri landslið Íslands og þrjá fyrir A-liðið.
Að setja sér markmið er mikilvægt. Fyrir ári síðan setti þessi stelpa sér markmið í íþróttasálfræði í Flensborg. pic.twitter.com/xiJSWUnLgu
— Vilhjálmur Haralds (@vilhjalmurhrm) September 23, 2020
Athugasemdir