Vinicius er 20 ára gamall og hefur gert 12 mörk í 74 leikjum með Real Madrid frá því hann kom frá Flamengo fyrir tveimur árum.

Hann hefur farið þessa leiktíð feykivel af stað og gert þrjú mörk í fimm leikjum en Tite, þjálfari brasilíska landsliðsins, ákvað að velja hann í hópinn fyrir landsleikina gegn Venesúela og Úrúgvæ í nóvember.

Vinicius kemur inn á kostnað Rodrygo, sem spilar með honum hjá Real Madrid.

„Hann er opinn leikmaður sem gefur breidd, öðruvísi möguleika og er góður einn á einn. Líkamlega er hann með ótrúlega kosti," sagði Tite.

„Ef að venjulegur bíll er með fimm gíra þá er hann með sex eða sjö. Aflið, hraðinn og þegar hann mætir mönnum einn á einn er mjög áhrifamikið, sagði hann í lokin.