Albert Guðmundsson sneri aftur í leikmannahóp AZ Alkmaar í gær þegar liðið vann 3-1 sigur á Vitesse í hollensku úrvalsdeildinni.
Albert sat hins vegar allan tímann á bekknum og kom ekkert við sögu í leiknum.
Albert var látinn æfa með varaliðinu í síðustu viku og var ekki í hóp í leik gegn Willem II í hollensku deildinni um síðustu helgi. Íslenski landsliðsmaðurinn hefur ekkert fengið að spila hjá bráðabirgðaþjálfara AZ, Pascal Jansen.
Fram hefur komið í hollenskum fjölmiðlum að Jansen sé ekkert sérlega ánægður með hugarfar Alberts.
Pascal Jansen tók við til bráðabirgða eftir að Arne Slot var rekinn á dögunum en hann hafði verið hans aðstoðarmaður. Það er vonandi að Albert komi sér aftur inn í liðið sem fyrst.
Athugasemdir