Miklar vangaveltur eru um framtíð Lionel Messi en hann hefur meðal annars verið orðaður við Inter Miami í MLS deildinni í Bandaríkjunum.
Phil Neville stýrir Miami en hann felur ekki áhuga sinn á Messi og fyrrum samherja hans hjá Barcelona, Sergio Busquets.
„Ég ætla ekki að segja að það sé enginn sannleikur í þeim vangaveltum að við höfum áhuga á Lionel Messi og Sergio Busquets. Síðan ég kom til Miami höfum við sennilega verið orðaðir við alla topp leikmenn í heiminum," sagði Neville.
„Við munum alltaf vera orðaðir við bestu leikmenn heims. Við vorum með Gonzalo Higuain og Blaise Matuidi. Nú höfum við tækifæri til að ná í nýja leikmenn sem eru á síðustu metrunum á ferlinum."
Athugasemdir
