Raphinha hefur átt stórkostlegt tímabil með Barcelona og er talinn ansi líklegur sigurvegari Ballon d'Or verðlaunanna í ár.
Raphinha hefur skorað 27 mörk og lagt upp 20 í 42 leikjum á tímabilinu. Þar af hefur hann skorað 11 mörk og lagt upp fimm í 10 leikjum í Meistaradeildinni.
Raphinha hefur skorað 27 mörk og lagt upp 20 í 42 leikjum á tímabilinu. Þar af hefur hann skorað 11 mörk og lagt upp fimm í 10 leikjum í Meistaradeildinni.
Hann ræddi við brasilísku goðsögnina Romario um möguleikann á að vinna Ballon d'Or.
„Það er eðlilegt að það fari í gegnum hugann, ef ég myndi segja eitthvað annað væri ég að ljúga," sagði Raphinha.
„Ég reyni að setja það til hliðar og einbeita mér að persónulegum markmiðum, hvort sem það er að skora, leggja upp eða vinna titla. Ef ég næ markmiðum mínum í lok tímabils er möguleikinn á að vinna einstaklingsverðlaun ansi mikill. Ég vil ekki einbeita mér of mikið af Ballon d'Or því það getur truflað."
Athugasemdir
