Ingvar Jónsson (Víkingur)
Ingvar Jónsson er leikmaður umferðarinnar.
Markvörðurinn Ingvar Jónsson í toppliði Víkings hefur verið valinn Sterkasti leikmaður 12. umferðar í boði Steypustöðvarinnar, eftir 2-0 sigur gegn Stjörnunni.
Ingvar var valinn besti markvörður umferða 1-11 en Víkingur hefur aðeins fengið á sig átta mörk í þrettán leikjum í Bestu deildinni.
Ingvar var valinn besti markvörður umferða 1-11 en Víkingur hefur aðeins fengið á sig átta mörk í þrettán leikjum í Bestu deildinni.
Lestu um leikinn: Víkingur R. 2 - 0 Stjarnan
„Stjarnan fékk sénsa í stöðunni 0-0 sem Ingvar varði vel og lokaði svo vel í síðari hálfleik þegar Stjarnan var að reyna að minnka muninn," skrifaði Anton Freyr Jónsson í skýrslu um leikinn.
Ingvar mætti í viðtal eftir sigurinn í gær.
„Gríðarlega sáttur, geggjað að halda hreinu aftur en það er orðið svolítið síðan. Tókum marga í röð þarna í byrjun og það er alltaf mjög sætt að halda hreinu." sagði Ingvar.
„Þetta gekk mjög vel í kvöld, ég átti þrjár - fjórar fínar. Undirbúningurinn skilar sér, ég er búin að horfa á fullt af videoum í dag af Hilmari Árna og hvernig hann er að slútta og svona smáatriði hjálpa."
„Við ætlum ekkert að slaka á en slökum ósjálfrátt á og erum aðeins að bjóða hættunni heim en við erum þéttir til baka og mér leið einhvernveginn aldrei illa en við höfum fengið það í bakið áður eins og gerðist um daginn en við höfum líka oft haldið hreinu í sumar þannig við erum öflugir í vörninni."
Sterkustu leikmenn:
11. umferð - Davíð Snær Jóhannsson (FH)
10. umferð - Fred Saraiva (Fram)
9. umferð - Tryggvi Hrafn Haraldsson (Valur)
8. umferð - Gísli Eyjólfsson (Breiðablik)
7. umferð - Adam Ægir Pálsson (Valur)
6. umferð - Birkir Már Sævarsson (Valur)
5. umferð - Sigurður Egill Lárusson (Valur)
4. umferð - Stefán Ingi Sigurðarson (Breiðablik)
3. umferð - Ísak Andri Sigurgeirsson (Stjarnan)
2. umferð - Oliver Ekroth (Víkingur)
1. umferð - Örvar Eggertsson (HK)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
