Lárus Orri
Lárus Orri Sigurðsson, þjálfari Þórs, sagðist vera ánægður með stigin þrjú en ekki ánægður með spilamennsku sinna manna í seinni hálfleik þar sem liðið fékk á sig tvö mörk þrátt fyrir að vera einum manni fleiri.
Lestu um leikinn: Þór 3 - 2 Fram
„Þeir lenda einum manni færri og missa svo mann meiddan útaf og peppast upp og við svörum því ekki, við förum að spila allt öðruvísi en lagt er upp með, höldum boltanum ekki og lendum í vandræðum."
Þetta var fyrsti heimasigur Þórsara í sumar og segir Lárus Orri þá leggja upp með að vinna alla heimaleiki og stela eins mörgum stigum og þeir geta á útivöllum.
Lárus Orri er ekki sammála kollega sínum hjá Fram um að sýnir menn séu grófir.
„Ef einhver heldur að við séum grófir, hringið í mig og ég skal senda þeim myndband af þessum leik. Við erum ekki grófir. Við vorum ekki grófir í dag."
Móðir Lárusar Orra á afmæli í dag og tileinkar hann þessi þrjú stig henni.
Viðtalið í heild sinni má sjá í sjónvarpinu hér að ofan.
Athugasemdir
