Óli Íshólm er leikmaður umferðarinnar.
Jón Daði Böðvarsson skoraði og lagði upp í 3-0 sigri Selfyssinga gegn HK.
17. umferð Bestu deildarinnar var leikin á einu bretti í gær og voru æsispennandi leikir í topp- og botnbaráttunni, Topplið Njarðvíkur vann nauman sigur, Þróttur vann ÍR í toppbaráttunni og Leiknir sendi Fylki niður í neðsta sæti deildarinnar.
LEIKMAÐUR UMFERÐARINNAR:
Markvörðurinn Ólafur Íshólm Ólafsson sá til þess að Leiknismenn tóku öll stigin gegn Fylki í fallbaráttuslag og komust upp úr fallsæti. Tók fullt af flottum markvörslum í öllum regnbogans litum og var öruggur í öllum sínum aðgerðum.
LEIKMAÐUR UMFERÐARINNAR:
Markvörðurinn Ólafur Íshólm Ólafsson sá til þess að Leiknismenn tóku öll stigin gegn Fylki í fallbaráttuslag og komust upp úr fallsæti. Tók fullt af flottum markvörslum í öllum regnbogans litum og var öruggur í öllum sínum aðgerðum.
Patryk Hryniewicki var hetja Leiknis en hann skoraði sigurmarkið eftir hornspyrnu með síðustu spyrnu leiksins. Hann kom inn í varnarlínuna vegna meiðsla í fyrri hálfleik og stóð vaktina vel.
Njarðvíkingar eru komnir með fjögurra stiga forystu eftir úrslitin í gær. Liðið vann 2-1 útisigur gegn Fjölni þar sem miðjumaðurinn Joao Ananias var gríðarlega drjúgur. Hann fær pláss í vörn úrvalsliðsins.
Táningurinn Einar Freyr Halldórsson er á eldi og var maður leiksins í 5-2 útisigri Þórs á Völsungi. Átti þátt í fyrstu þremur mörkum Þórs, skoraði það þriðja með stórglæsilegri aukaspyrnu. Ibrahima Balde var einnig virkilega öflugur. Þór er í öðru sæti.
Þróttur vann ÍR 3-1 í toppbaráttuslag þar sem Vilhjálmur Kaldal Sigurðsson spilaði 20 mínútur en gerði gæfumun, átti tvær virkilega góðar stoðsendingar, Hrafn Tómasson er einnig í liði umferðarinnar og þá er Sigurvin Ólafsson þjálfari umferðarinnar. Liðin sitja í þriðja og fjórða sæti.
Keflavík slátraði Grindavík 4-0 í Suðurnesjaslag. Kári Sigfússon skoraði og átti tvær stoðsendingar og var valinn maður leiksins. Mikilvægur sigur Keflvíkinga sem berjast um að komast í umspilið.
Harley Willard var valinn maður leiksins þegar Selfoss vann gríðarlega öflugan 3-0 sigur gegn HK. Jón Daði Böðvarsson skoraði og lagði upp í fyrsta heimaleik sínum. Daði Kárason sem er nýkominn á láni frá Val er í vörninni.
Fyrri úrvalslið:
16. umferð - Adam Árni Róbertsson (Grindavík)
15. umferð - Hrafn Tómasson (Þróttur)
14. umferð - Jakob Héðinn Róbertsson (Völsungur)
13. umferð - Einar Freyr Halldórsson (Þór)
12. umferð - Dagur Orri Garðarsson (HK)
11. umferð - Dominik Radic (Njarðvík)
10. umferð - Bergvin Fannar Helgason (ÍR)
9. umferð - Dagur Orri Garðarsson (HK)
8. umferð - Óðinn Bjarkason (ÍR)
7. umferð - Ármann Ingi Finnbogason (Grindavík)
6. umferð - Ívar Arnbro Þórhallsson (Völsungur)
5. umferð - Jóhann Þór Arnarsson (HK)
4. umferð - Elfar Árni Aðalsteinsson (Völsungur)
3. umferð - Gabríel Aron Sævarsson (Keflavík)
2. umferð - Ibrahima Balde (Þór)
1. umferð - Gabríel Aron Sævarsson (Keflavík)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 21 | 13 | 3 | 5 | 49 - 30 | +19 | 42 |
| 2. Þróttur R. | 21 | 12 | 5 | 4 | 42 - 35 | +7 | 41 |
| 3. Njarðvík | 21 | 11 | 7 | 3 | 47 - 25 | +22 | 40 |
| 4. HK | 21 | 11 | 4 | 6 | 42 - 29 | +13 | 37 |
| 5. ÍR | 21 | 10 | 7 | 4 | 37 - 25 | +12 | 37 |
| 6. Keflavík | 21 | 10 | 4 | 7 | 49 - 38 | +11 | 34 |
| 7. Völsungur | 21 | 7 | 4 | 10 | 36 - 48 | -12 | 25 |
| 8. Grindavík | 21 | 6 | 3 | 12 | 38 - 58 | -20 | 21 |
| 9. Fylkir | 21 | 5 | 5 | 11 | 32 - 31 | +1 | 20 |
| 10. Leiknir R. | 21 | 5 | 5 | 11 | 22 - 39 | -17 | 20 |
| 11. Selfoss | 21 | 6 | 1 | 14 | 24 - 40 | -16 | 19 |
| 12. Fjölnir | 21 | 3 | 6 | 12 | 31 - 51 | -20 | 15 |
Athugasemdir
