Lengjudeild kvenna: Jafnt á Víkingsvelli

Hafdís Bára Höskuldsdóttir kom Víkingi R. yfir snemma leiks gegn Fjarðabyggð/Hetti/Leikni F. í eina leik dagsins í Lengjudeild kvenna.

Linli Tu jafnaði leikinn skömmu síðar og var staðan jöfn út fyrri hálfleik.

Víkingur var betra liðið á Víkingsvelli en Austfirðingar fengu einnig sín færi. Boltinn vildi þó ekki rata í netið og niðurstaðan 1-1 jafntefli.

Liðin eru rétt á eftir toppliðum deildarinnar eftir stigið sem hlaust í dag. Víkingur í fjórða sæti með 16 stig og Austfirðingar með 15 stig.