Þorsteinn Halldórsson, þjálfari kvennalandsliðsins, gerir sjö beytingar á byrjunarliðinu frá sigurleiknum frábæra gegn Tékklandi í síðustu viku.
Ísland mætir í kvöld Kýpur á Laugardalsvelli og á það að vera skyldusigur fyrir Ísland. Leikurinn er í undankeppni HM 2023.
Ísland mætir í kvöld Kýpur á Laugardalsvelli og á það að vera skyldusigur fyrir Ísland. Leikurinn er í undankeppni HM 2023.
Hin 17 ára gamla Amanda Andradóttir spilar sinn annan A-landsleik. Hún er að byrja í fyrsta sinn fyrir Ísland.
Cecilía Rán Rúnarsdóttir, sem er 18 ára, fær tækifæri í markinu. Sif Atladóttir og Ingibjörg Sigurðardóttir byrja í hjarta varnarinnar og kemur Elísa Viðarsdóttir inn í stöðu vinstri bakvarðar.
Þá kom Alexandra Jóhannsdóttir og Svava Rós Guðmundsdóttir einnig inn í liðið. Svava skoraði í síðasta leik og byrjar hún sem fremsti maður Íslands.
Ísland getur komið sér upp í annað sæti riðilsins með sigri í dag. Liðið sem endar í efsta sæti fer beint á HM og liðið sem endar í öðru sæti fer í umspil.
Ísland hefur til þessa spilað tvo leiki í riðlinum. Liðið tapaði gegn ógnarsterku Hollands en vann svo 4-0 sigur á Tékklandi. Leikirnir gegn Tékkum eru lykilleikir í riðlinum þar sem búist er við því að Ísland og Tékklands séu næst besta og þriðja besta liðið í þessum riðli.
Athugasemdir