Aaron Ramsdale, markvörður Arsenal, er með það markmið að vera aðalmarkvörður enska landsliðsins á HM í Katar á næsta ári.

Jordan Pickford, markvörður Everton, hefur átt stöðuna í þjálfaratíð Gareth Southgate, allavega á stærsta sviðinu. Pickford hefur staðið sig gífurlega vel á bæði HM 2018 og EM 2020.

Ramsdale var tekinn inn í enska landsliðshópinn sem fór á EM síðasta sumar eftir að Dean Henderson meiddist.

Hinn 23 ára Ramsdale hefur ekki enn spilað A-landsleik fyrir England en hann er með skýr markmið.

„Við vorum bara nokkrum spyrnum frá því að afreka eitthvað stórkostlegt," sagði Ramsdale um EM síðasta sumar. „Árangurinn styrkti hungrið í hópnum að gera betur á HM. Vonandi get ég verið hluti af því og vonandi sem byrjunarliðsmarkvörður."

Ramsdale skipti úr Sheffield United yfir til Arsenal eftir að EM lauk. Hann er núna aðalmarkvörður Lundúnaliðsins.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit