Danmörk: Sannfærandi sigur Lyngby - Jón Dagur byrjaði á bekknum

Freyr Alexandersson er þjálfari Lyngby og hann sá sína menn vinna sannfærandi með þremur mörkum gegn engu.

Jammerbugt spilaði manni færri alveg frá 42. mínútu og komu öll mörk Lyngby í síðari hálfleiknum.

Sævar Atli Magnússon kom inná sem varamaður í þessum leik eða á 76. mínútu er staðan var 3-0.

Lyngby er í öðru sæti deildarinnar með 35 stig og er einu stigi frá toppliði Helsingor eftir 17 umferðir.

Í Superliga, efstu deild, gerðu Íslendingaliðin AGF og Silkeborg 1-1 jafnteflli í Árósum.

Stefán Teitur Þórðarson var í byrjunarliði Silkeborg og Mikael Neville Anderson byrjaði hjá AGF.

Stefán fór af velli í hálfleik og Mikael fór af velli á 78. mínútu. Inn fyrir Mikael kom afmælisbarnið Jón Dagur Þorsteinsson sem varð 23 ára í dag.

AGF leiddi í hálfleik en Silkeborg jafnaði á 70. mínútu og þar við sat.

Stöðuna í deildinni má sjá hér að neðan.