Xavi, nýr þjálfari Barcelona, vill sjá félagið gefa landa sínum Sergi Roberto nýjan samning og það sem fyrst.
Það er Sport á Spáni sem greinir frá þessu en Roberto verður samningslaus næsta sumar og má því ræða við ný félög í janúar.
Margir stuðningsmenn Barcelona hafa kvartað yfir frammistöðu Roberto sem getur spilað bæði í bakverði sem og á miðjunni.
Þessi 29 ára gamli leikmaður er hins vegar algjörlega inni í myndinni hjá Xavi sem tók við af Ronald Koeman á dögunum.
Hvort Xavi muni nota Roberto í bakverði eða á miðjunni er óljóst en hann mun klárlega hjálpa þegar kemur að breidd í leikmannahópnum.
Samkvæmt þessum fregnum hefur Xavi rætt við stjórn spænska liðsins og vill að Roberto fái samningstilboð á næstu vikum.
Athugasemdir