Spánn: Jafnt í Álava

Alavés tók á móti Celta Vigo í eina leik kvöldsins í efstu deild spænska boltans og úr varð verulega leiðinlegur leikur.

Kike García tók forystuna fyrir Alavés með marki úr vítaspyrnu snemma leiks og var viðureignin í járnum eftir það.

Það var lítið sem ekkert um færi en þó tókst gestunum frá Vigo að jafna metin í síðari hálfleik. Pablo Durán skoraði þá með stórglæsilegu skoti af 20 metra færi.

Lokatölur urðu 1-1 í hundleiðinlegum slag og er Alavés einu stigi fyrir ofan fallsvæðið eftir þetta jafntefli, með 21 stig eftir jafn margar umferðir. Celta er með 25 stig.