Davíð Snorri Jónasson, þjálfari U21 árs landsliðsins, sat fyrir svörum á blaðamannafundi í morgun.
Hann var spurður út í færslu Mikaels Neville Anderson á Twitter eftir leik Rússlands og Íslands á fimmtudag.
Hann var spurður út í færslu Mikaels Neville Anderson á Twitter eftir leik Rússlands og Íslands á fimmtudag.
Undirritaður hélt því fram, eftir að hafa heyrt af því, að Mikael væri meiddur á nára og það útskýrði hvers vegna hann væri á bekknum gegn Rússum. Mikael var snöggur á Twitter eftir leik og lýsti því yfir að þær upplýsingar væru falsfréttir eða 'fake news'.
Einhverjir hafa tekið því sem skoti á Davíð frá Mikael þar sem Mikael var ekki valinn í byrjunarliðið.
Hvað fannst þér um að Mikael hafi farið á samfélagsmiðla beint eftir leik og tjáð sig um sín meiðsli? Tókstu því sem skoti á þig?
„Nei, ég var ekki einu sinni búinn að sjá það," sagði Davíð Snorri.
Hann var þá spurður hvort það hefði komið til tals að Jón Dagur Þorsteinsson yrði kallaður upp í A-landsliðið eftir leikinn gegn Danmörku. Davíð svaraði þeirri spurningu neitandi, slíkt hefði ekki komið til tals.
Leikur Íslands og Danmerkur hefst klukkan 13:00 á morgun. Danir eru með þrjú stig og við Íslendingar eru án stiga.
Athugasemdir