Spænska félagið Barcelona fylgist náið með hollenska landsliðsmarkverðinum Bart Verbruggen, sem er á mála hjá Brighton á Englandi.
Stjórnarmenn Börsunga voru staddir á landsleik Hollands og Spánar í 8-liða úrslitum Þjóðadeildar Evrópu á dögunum.
Sport segir ástæðuna vera áhugi félagsins á Verbruggen sem hefur staðið sig vel með Brighton á tímabilinu.
Samkvæmt blaðinu er þó Barcelona ekki að hugsa um að fá hann í sumar heldur setur það stefnuna á að reyna kaupa á næsta ári.
Brighton er sagt vilja fá að minnsta kosti 30 milljónir punda fyrir Verbruggen sem hefur spilað 20 A-landsleiki með Hollandi síðan hann lék sinn fyrsta leik fyrir tveimur árum.
Athugasemdir
