Byrjunarlið ÍA og Breiðabliks: Jason Daði ekki með

Ísak Snær mætir sínum fyrrum félögum.

Mynd: Fótbolti.net - Hafliði Breiðfjörð

Ísak Snær mætir sínum fyrrum félögum.

Mynd: Fótbolti.net - Hafliði Breiðfjörð

Þegar ÍA og Breiðablik áttust við á Akranesi í Bestu deildinni þann 7. maí þá unnu Blikar 5-1 útisigur.

Liðin mætast að nýju á Skaganum í kvöld klukkan 19:45 í 16-liða úrslitum Mjólkurbikarsins en Matthías Freyr Matthíasson textalýsir leiknum í beinni hér á Fótbolta.net.

Lestu um leikinn: ÍA 2 - 3 Breiðablik

Bikarleikir kvöldsins:
19:15 Kórdrengir - Afturelding
19:45 ÍA - Breiðablik

ÍA gerði 1-1 jafntefli gegn FH í síðustu umferð Bestu deildarinnar. Wout Droste kemur inn í byrjunarliðið í stað Christian Wöhler frá þeim leik.

Breiðablik vann 4-0 sigur gegn KR í síðasta deildarleik sínum. Jason Daði Svanþórsson er ekki í leikmannahópi Breiðabliks í kvöld. Mikkel Qvist byrjar en Viktor Örn Margeirsson er á bekknum. Damir Muminovic kemur inn í liðið eftir að hafa verið í banni gegn KR. Gísli Eyjólfsson varð fyrir meiðslum gegn KR en er á bekknum í kvöld.

Byrjunarlið ÍA

Árni Snær Ólafsson, Wout Droste, Oliver Stefánsson, Steinar Þorsteinsson, Kaj Leo Í Bartalstovu, Brynjar Snær Pálsson, Gísli Laxdal Unnarsson, Eyþór Aron Wöhler, Alexander Davey, Jón Gísli Eyland Gíslason

Byrjunarlið Breiðablik

Anton Ari Einarsson, Mikkel Qvist, Höskuldur Gunnlaugsson, Viktor Karl Einarsson (fyrirliði), Kristinn Steindórsson, Anton Logi Lúðvíksson, Dagur Dan Þórhallsson, Davíð Ingvarsson, Ísak Snær Þorvaldsson, Damir Muminovic