Rúnar Alex vissi nákvæmlega hvert Arnór ætlaði sér að skjóta
Íslenski landsliðsmarkvörðurinn Rúnar Alex Rúnarsson varði vítaspyrnu Arnórs Sigurðssonar í 5-2 sigri Blackburn Rovers á Cardiff City í enska deildabikarnum í kvöld.
Arnór skoraði framhjá Rúnari í fyrri hálfleiknum eftir góða sókn Blackburn, en það var annað mark hans fyrir félagið.
Í síðari hálfleiknum fékk Arnór dauðafæri til að gera annað mark sitt gegn Rúnari er Blackburn fékk vítaspyrnu, en Rúnar gerði vel, skutlaði sér í rétt horn og boltinn aftur fyrir endamörk.
Blackburn skoraði að vísu eftir hornspyrnuna en engu að síður frábær varsla. Markvörðurinn átti sín augnablik í leiknum, en þurfti að lúta í gras fyrir Arnóri og félögum í þetta sinn.
Hægt er að sjá vörsluna hér fyrir neðan.
Athugasemdir
