Jurgen Klopp, stjóri Liverpool, hefur verið sektaður um 30 þúsund pund, um 5 milljónir íslenskra króna, eftir rauða spjaldið sem hann fékk í 1-0 sigrinum gegn Manchester City þann 16. október.
Klopp óð að aðstoðardómaranum þegar hann varð reiður yfir því að Mohamed Salah hafði ekki fengið aukaspyrnu.
Klopp missti sig á 85. mínútu eftir að Anthony Taylor og aðstoðardómarar hans dæmdu ekki brot á Bernardo Silva.
Klopp baðst afsökunar á hegðun sinni, sagðist ekki stoltur af henni og að rauða spjaldið hafi verið verðskuldað. Hann var ekki dæmdur í leikbann og sleppur með sekt.
Athugasemdir
