Sænska félagið Helsingborg hefur fengið færeyska landsliðsmanninn Brand Olsen frá FH. Þetta var tilkynnt í dag.
Samningur Brands við FH átti að renna út eftir næsta tímabil í Pepsi Max-deildinni en Helsingborg keypti hann í sínar raðir.
Hinn 24 ára gamli Brandur skrifaði undir þriggja ára samning við Helsingborg.
Á meðal miðjumanna sem Brandur mun berjast við um sæti í byrjunarliði Helsingborg er Daníel Hafsteinsson en hann kom til félagsins frá KA í sumar.
Brandur gekk í raðir FH frá Randers árið 2018. Brandur skoraði 16 mörk í 52 leikjum í deild og bikar fyrir FH.
Athugasemdir