„Ég er mjög sáttur bara, mjög sáttur,” sagði Jóhann Kristinn Gunnarsson þjálfari Þórs/KA eftir 5-2 sigur á Aftureldingu á Þórsvelli nú í kvöld.
„Fyrirfram bara erfitt og spenna, bæði útaf liðinu sem er að koma og aðstæðum, kalt í veðri og völlurinn erfiður en þegar leið á leikinn leið mér aðeins betur, en alls ekki nógu vel þegar við gáfum þeim tvö mörk,” sagði Jóhann einnig.
Þór/KA komst yfir í leiknum en Aftureldingarstelpur sýndu mikinn karakter og komust í 2-1. Heimakonur sýndu hins vegar einnig gríðarlegan karakter og skoruðu 4 mörk til viðbótar. „Ég er mjög sáttur og mér finnst Aftureldingarliðið hafa sýnt gríðarlega mikinn karakter hérna á útivelli að jafna og komast yfir. Þær sýna gott skipulag, mikla vinnusemi og maður finnur til með þeim að hafa ekki náð í eitthvað út úr þessum leik, planið hjá þeim var gott."
Aðspurður út í markmið sumarsins sagði Jóhann: „Við ætlum að reyna að berjast um að vinna í þeim keppnum sem eru í boði.”
Nánar er rætt við Jóhann hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
