„Fyrri hálfleikur hjá Blikum er með því betra sem maður hefur séð þegar kemur að spilamennsku," sagði Ingólfur Sigurðsson í Innkastinu um 5-3 sigur Breiðabliks á ÍA í fyrrakvöld.

Eftir 1-0 tap gegn HK í síðustu viku blésu Blikar til sóknar á Kópavogsvelli og skoruðu fimm mörk gegn ÍA.

Gísli Eyjólfsson kom að nýju inn í byrjunarlið Breiðabliks eftir að hafa verið að glíma við meiðsli undanfarnar vikur. Gísli var valinn maður leiksins og hann er leikmaður umferðarinnar hjá Fótbolta.net.