Hjulmand helsta skotmark Man Utd - Fulham vill halda Marco Silva - Spænsku risarnir fylgjast með Guehi
   sun 28. september 2025 15:06
Brynjar Ingi Erluson
England: Aston Villa skoraði þrjú í fyrsta sigrinum
Ollie Watkins skoraði og átti stóran þátt í þriðja markinu
Ollie Watkins skoraði og átti stóran þátt í þriðja markinu
Mynd: EPA
Aston Villa 3 - 1 Fulham
0-1 Raul Jimenez ('3 )
1-1 Ollie Watkins ('37 )
2-1 John McGinn ('49 )
3-1 Emiliano Buendia ('51 )

Aston Villa vann langþráðan 3-1 sigur á Fulham í 6. umferð ensku úrvalsdeildarinnar á Villa Park í dag.

Villa-menn höfðu verið í mestu vandræðum í byrjun leiktíðar og aðeins skorað eitt mark í fimm leikjum.

Það hefur sárvantað drápseðlið fram á við og liðið einhvern veginn staðnað, en það mátt samt sjá vott af því sem við sáum á síðustu leiktíð í leiknum í dag.

Að vísu byrjaði þetta ekkert frábærlega fyrir Villa sem lenti undir á 3. mínútu er Raul Jimenez skallaði boltanum í fjærhornið eftir hornspyrnu.

Ollie Watkins, sem hefur verið ískaldur á tímabilinu eins og allir framherjar Villa, komst loksins á blað. Lucas Digne átti hnitmiðaðan langan bolta yfir vörn Fulham og fyrir Watkins sem lyfti boltanum hátt yfir Bernd Leno í markinu. Mikill léttir fyrir Englendinginn.

Í síðari hálfleiknum tók skoski miðjumaðurinn John McGinn forystuna fyrir Villa með frábæru skoti fyrir utan teig, alveg upp við stöng. Óverjandi fyrir Leno í markinu.

Villa menn héldu áfram að leika Fulham grátt. Watkins fékk boltann vinstra megin í teignum, kom honum inn á miðjan teiginn, þar sem hann skoppaði af Morgan Rogers og til Emi Buendia sem gulltryggði Villa fyrsta sigur tímabilsins.

Aston Villa hoppar upp í 16. sæti með 6 stig en Fulham er í 10. sæti með 8 stig.
Stöðutaflan England Premier league - karlar
  L U J T ms: mf: mun Stig
1 Arsenal 8 6 1 1 15 3 +12 19
2 Man City 8 5 1 2 17 6 +11 16
3 Liverpool 8 5 0 3 14 11 +3 15
4 Bournemouth 8 4 3 1 14 11 +3 15
5 Chelsea 8 4 2 2 16 9 +7 14
6 Tottenham 8 4 2 2 14 7 +7 14
7 Sunderland 8 4 2 2 9 6 +3 14
8 Crystal Palace 8 3 4 1 12 8 +4 13
9 Man Utd 8 4 1 3 11 12 -1 13
10 Brighton 8 3 3 2 12 11 +1 12
11 Aston Villa 8 3 3 2 8 8 0 12
12 Everton 8 3 2 3 9 9 0 11
13 Brentford 8 3 1 4 11 12 -1 10
14 Newcastle 8 2 3 3 7 7 0 9
15 Fulham 8 2 2 4 8 12 -4 8
16 Leeds 8 2 2 4 7 13 -6 8
17 Burnley 8 2 1 5 9 15 -6 7
18 Nott. Forest 8 1 2 5 5 15 -10 5
19 West Ham 8 1 1 6 6 18 -12 4
20 Wolves 8 0 2 6 5 16 -11 2
Athugasemdir
banner
banner